ರೇಕೀ ತಂದ ರಿಸ್ಕು

ನನ್ನ ಸ್ನೇಹಿತ ಮಧುಚಂದ್ರ ಗೊತ್ತಲ್ಲ? ಅವನೀಗ ಪ್ರಣಯಪದ್ಮಿನಿಗಾಗಿ ಬರೆಯುತ್ತಿಲ್ಲ ಅಂತ ಮುನಿಸು ಮಾಡಿ ಅವನೊಂದಿಗೆ ಬಹಳದಿನದಿಂದ ಹೆಚ್ಚು ಮಾತಾಡಿದ್ದಿಲ್ಲ. ಮೊನ್ನೆ ಫೋನ್ ಮಾಡಿ ಒಂದು ಸ್ವಾರಸ್ಯಕರವಾದ ವಿಷಯ ಇದೆ, ಬೇಕಾದರೆ ನಿನ್ನ ಬ್ಲಾಗಿನಲ್ಲಿ ಬರೆ ಅಂದ. ಕೇಳಿ ಮಜಾ ಬಂತು ಅನ್ನಿ. ಅದಕ್ಕೇ ಬರೀತಾ ಇದ್ದೀನಿ.


ನಮ್ಮ ಮಧು ಕೆಲವು ದಿನಗಳ ಹಿಂದೆ ಹುಬ್ಬಳ್ಳಿಗೆ ಹೋಗಿ ರೇಕೀ ಚಿಕಿತ್ಸೆ ಕಲೆತುಕೊಂಡು ಬಂದಿದ್ದು ನನಗೆ ಗೊತ್ತಿತ್ತು. ಹೋದ ವಾರ ಹೆಂಡತಿ ತಲೆ ನೋವು ಅಂದಳಂತೆ. ಇವನು ರೇಕೀಯಿಂದ ನೋವು ನಿವಾರಿಸ್ತೀನಿ ಅಂದಿದ್ದಾನೆ. ಅವಳು ಸರಿ ಅಂದಿದ್ದಾಳೆ. ಇವನು ಚಿಕಿತ್ಸೆ ಕೊಟ್ಟಿದ್ದಾನೆ. ಅವಳು ಸುಸ್ತಾದವಳಂತೆ ಮಲಗಿಬಿಟ್ಟಿದ್ದಾಳೆ. ರೇಕೀಯಿಂದ ಮೈ-ಮನಸ್ಸುಗಳು ರೆಲ್ಯಾಕ್ಸ್ ಆಗೋದು ಸಹಜ. ಹಾಗಂತ ಇವನು ಸ್ವಲ್ಪ ಹೊತ್ತು ಸುಮ್ಮನಿದ್ದು ನಂತರ ಅವಳನ್ನ ಎಚ್ಚರಿಸಲು ಹೋದರೆ ಅವಳು ಏಳಲಿಲ್ಲವಂತೆ! ಕೂಗಿದ್ದಾಯಿತು, ಅಲುಗಾಡಿಸಿದ್ದಾಯ್ತು, ತಳ್ಳಿದ್ದಾಯಿತು. ಊಹೂಂ, ಅವಳಿಗೆ ಎಚ್ಚರವಾಗಿಲ್ಲ! ಸತ್ತೇ ಹೋದಳೇನೋ ಅಂತ ಇವನು ಹೆದರಿದ್ದಾನೆ. ಏನು ಮಾಡಬೇಕೋ ಗೊತ್ತಾಗಿಲ್ಲ. ಆ ಸಂದರ್ಭದಲ್ಲಿ ಇವನ ಬುದ್ಧಿಗೆ ಏನು ತಿಳೀತೋ? ನೇರವಾಗಿ ಅವಳ ಹೊಟ್ಟೆಯ ಕೆಳನಿಂದ ಸೀರೆಯೊಳಗೆ ಕೈತೂರಿಸಿ ಅವಳ ತೊಡೆಗಳ ಮಧ್ಯದ ಆ hot spot ನ್ನು ಬೆರ‍ಳುಗಳಿಂದ ತಟ್ಟಿಬಿಡೋದೆ? ಅವಳು ಹಾಂ! ಅಂತ ಎದ್ದು ಕೂತುಬಿಟ್ಟಳಂತೆ! ಸಧ್ಯ ಬದುಕಿದ್ದಾಳೆಂದು ಇವನಿಗೆ ಭಾರಿ ನೆಮ್ಮದಿಯಾದರೆ ಇವನ 'ಕೈಚಳಕ' ದಿಂದ ಅವಳಿಗೆ ಭಾರಿ mood ಬಂದು ಇವನನ್ನ ರೈಡ್ ಮಾಡಿದ್ದೇ ಮಾಡಿದ್ದಂತೆ. ಅಷ್ಟಾದಮೇಲೆ ಸುಸ್ತಾಗಿ ಮಲಗೋ ಗತಿ ಇವನದಾಯಿತಂತೆ!

ಹೊಸ ಸೀರೆ

ಮೊನ್ನೆ ನನ್ನ ಗೆಳತಿ ಮಧುರಾ ಸಿಕ್ಕಿದ್ದಳು. ಇತ್ತೀಚಿಗೆ ಮಧುರಳಿಗೆ ಮದುವೆಯಾಗಿ ಮಧುಚಂದ್ರವೂ ಆಗಿತ್ತು. ತುಂಬಾ ಖುಷಿಯಿಂದ ಕೈಕುಲುಕಿ, ಹೆಗಲು ತಟ್ಟಿ ಮಾತಾಡಿಸಿದಳು. ನನಗೂ ಅವಳೆಂದರ ಬಹಳ ಪ್ರೀತಿ. ಅವಳ ಮದುವೆಯ ದಿನ ಸೀರೆಯೊಂದನ್ನು ಉಡುಗೊರೆಯಾಗಿ ಕೊಟ್ಟಿದ್ದೆ. ನಾನೇ ಸ್ವತಃ ಅಂಗಡಿಯಿಂದ ಅಂಗಡಿಗೆ ಅಲೆದಾಡಿ ಅವಳಿಗಾಗಿ ಆರಿಸಿ ತಂದ ಸೀರೆಯದು. ಹಾಗೆಂದೇ ನಾನು ಗೆಳತಿಗೆ ಕೇಳಿದೆ. (ಮಾತಾನಾಡಿದ್ದು ಉತ್ತರ ಕರ್ನಾಟಕದ ಕನ್ನಡದಲ್ಲಿಯಾದರೂ ಇಲ್ಲಿ ಸಾಮಾನ್ಯ ಕನ್ನಡದಲ್ಲಿ ಬರೆದಿದ್ದೇನೆ)

"ಏನೇ, ನಾನು ಕೊಟ್ಟ ಸೀರೆ ಉಟ್ಕೊಂಡು ನೋಡಿದ್ಯಾ? ಇಷ್ಟವಾಯ್ತಾ?"

ಅದಕ್ಕೆ ಅವಳು ಕೊಟ್ಟ ಉತ್ತರ ಎಂಥದು! ರಸ್ತೆಯ ಪಕ್ಕ ನಿಂತು ಹೊಟ್ಟೆ ಹಿಡಕೊಂಡು ನಕ್ಕಿದ್ದೇ ನಕ್ಕಿದ್ದು. ನಿಮಗೂ ನಗೆ ಬರಬಹುದು, ಕೇಳಿ.

"ಈ ಥರಾ ಹೇಳ್ತೀನಿ ಅಂತ ಬೇಜಾರು ಮಾಡ್ಕೋಬೇಡಾ, ಪದ್ಮಿನಿ. ನಿನ್ನೆವರೆಗೂ ಯಜಮಾನ್ರು ನನಗೆ ಚಡ್ಡಿ ಕೂಡ ಹಾಕ್ಕೋಳೋಕೆ ಬಿಟ್ಟಿಲ್ಲಾ. ನಿನ್ನ ಸೀರೆ ಯಾವಾಗ ಉಟ್ಕೋಳೋದು?"

ಇಂಥದೇ ಇನ್ನೊಂದಿದೆ, ಅದನ್ನು ಆಮೇಲೆ ಹೇಳ್ತೀನಿ.

ಇದು ನಿನ್ನ ದಿನ

ಸಣ್ಣ ಕವನ: ಪದ್ಮಿನಿ



"ಇದು ನಿನ್ನ ದಿನ", ಅವನೆಂದ. "ಸುಖ, ತೃಪ್ತಿ ಎಲ್ಲ ನಿನ್ನದು."

ಬೊಂಬೆಯಂತಹವಳಿಗೆ  ಸ್ನಾನ ಮಾಡಿಸಿದ. ರೇಷ್ಮೆಯಂತಹ ಕೂದಲನ್ನು ಬಾಚಿ ಹೆರಳು ಹಾಕಿದ.

ಊಟ ಸಿದ್ಧಪಡಿಸಿದ. ಊಟ ಮಾಡಿಸಿದ.

ಪ್ರೇಮಕಥೆಯೊಂದನ್ನು ಓದಿ ಕೇಳಿಸಿದ. ಅವಳಿಗಾಗಿ ಹಾಡಿದ.

ಮುತ್ತುಗಳ ಮಳೆಗರೆದು ಹಸಿಯಾಗಿಸಿದ, ಬಿಸಿಯಾಗಿಸಿದ.

ದುಂಬಿಯಾಗಿ ಅವಳ ರತಿಪುಷ್ಪದಿಂದ ಮಧುವನ್ನು ಹೀರಿ ಸವಿದ.

ಮೈಮನಗಳಲ್ಲಿ ಸುಖದ ಅಲೆಗಳನೆಬ್ಬಿಸಿ 

ಅವಳು ಸಾಕು ಸಾಕೆಂದು ತಡೆದು ನಿಲ್ಲಿಸುವಂತೆ ರತಿಸೇವೆ ನೀಡಿದ.

ಅವಳ ಅಂತರಂಗವನ್ನು ಪ್ರೇಮರಸದಿಂದ ತಣಿಸಿದ.

"ಇದು ನನ್ನ ದಿನವೂ ಹೌದು", ಅವನೆಂದ. "ಸುಖ, ತೃಪ್ತಿ ಎಲ್ಲ ನನ್ನದೂ."